Пријанка Чопра, една од најубавите жени на светот, поранешна Мис на светот, актерка и сопруга на Ник Џоунс, не е срамежлива кога некој модел на фустан ќе ѝ се допадне.
Атрактивната Пријанка Чопра е позната по тоа дека не се плаши да експериментира со стилот, па неретко можеме да ја видиме во интересни бои, кроеви и модели, а овој пат одлучи да не воодушеви со смелоста да покаже повеќе од останатите.
Актерката на 62-те Греми награди носеше тоалета која е потпишана од модната куќа Ралф и Русо, а која има се: ексцентрични реси на ракавите, чипка, циркони, лилјак-ракави, сирена-крој, но и деколте кое се протега до средина на стомакот, поточно неколку сантиметри испод папокот.
Пријанка овој стил го надополнила со впечатлив накит, а се определила за нешто посуптилна шминка. Посебно впечатлив е начинот на кој Чопра сакаше да му оддаде почит на трагично загинатиот кошаркар Коби Брајант – на еден од ноктите имаше напишано 24, што е бројот кој покојниот спортист го носеше на својот дрес додека професионално се занимаваше со спортот.
