Пакистанскиот дигач на тегови, познат по тоа што влече трактори со коноп и подига автомобили со една рака, вели дека одбил бројни невести, бидејќи не го поминале неговиот тест.
Арарб Кизер Хајат доаѓа од Мардана, северот на Пакистан, висок е 197 сантиметри, а тежок дури 444 килограми. Последните неколку години очајнички бара љубов, бидејќи родителите сакаат што порано да се ожени.
„Ми треба сопруга која е тешка, не сакам да ја повредам. Сите жени кои до сега сакаа да се венчаат со мене беа преслаби“, рекол тој за „Daily Mail“ и објаснил зошто „просечна жена“ би била лош избор за него.
#Arbab Khizer Hayat alias Khan #Baba calls himself the Pakistani Hulk. pic.twitter.com/TJtdEgFJvK
— Mohsin Ahmed (@MohsinAhmed_S) January 11, 2017
Како што вели, сака да запознае жена која е тешка најмалку 100 килограми и повисока од 192 сантиметри, за да може да изгледаат добро заедно.
Тврди дека веќе одбил околу 200-300 жени, бидејќи не одговарале на неговите параметри.
Хајат е многу популарен во своето родно место. На интернет кружат снимки на кои се гледа како тој влече трактор со коноп, автобуси, автомобили, дига коли со една рака.
За да „ја одржи својата линија“, Хајат во текот на денот јаде 4 пилиња, 36 јајца, 3 килограми месо и 5 литри млеко.
