Неговото име е Маца Лукас, има две години и моментално живее во Амстердам. Препознатлив е по своето бело крзно, елегантен чекор и длабок поглед. Сака сè што сакаат мачките, опуштен е и културен, сака да е во центарот на вниманието, но не дозволува луѓето премногу да го нарушуваат неговиот личен простор. Сака да истражува – секоја затворена врата за него е препрека која се надминува со упорност и непрекинато мјаукање. Омилени места за одмор му се неговата фотелја и било кое место во домот каде што може да биде препрека за сите кои се обидуваат да поминат. Омилена играчка пак, му е розево глувче, сплетено и подарено за добредојде во нашиот дом. Вистински позер, не оставил никого рамнодушен!
