Луксузните француски модни брендови „Баленсиага“ и „Сеинт Лорен“ одлучија да го дадат својот допринос во борбата против коронавирусот. Како што наведува нивната матична фирма „Керинг“, брендовите во работилниците во градовите Ангерс и Париз ќе започнат со производство на заштитни маски чим тоа го одберат надлежните тела.
Во меѓувреме, париската фирма исто така на француското здравство ќе му донира три милиони заштитни маски кои ќе ги купат и увезат од Кина. Француското министерство за здравство во неделата соопшти дека пандемијата продолжува да се шири и станува полоша. Исто така, Керинг финансиски помогна и на францускиот Институт Пастер во истражувањето за КОВИД19.
Минатата недела, Гучи, исто така во сопствеништво на Керинг, се јави на повикот од модните компании од италијанскиот регион Тоскана за донација на медицинска опрема и се надева дека во наредните неколку седмици ќе донира милион маски и 55 илјади медицински комбинизони.
Освен луксузните модни прендови, во акцијата за производство на заштитни маски се придружи и омилениот бренд за улична мода на многумина, H&M. Утрово службено објавија дека се брзаат да организираат свои ланци за производство на опрема за да може што порано да ги достават материјалите до болниците и здравствените работници.
„Тоа е првиот чекор од нашите напори за да овозможиме поддршка на било кој начин. Сите сме заедно во оваа ситуација и мора да пристапиме колективно“, рече Ана Геда, директорката на H&M групацијата за одржување.
