Еуфоријата од извонредниот пласман на Тамара Тодевска на годинашната Евровизија сè уште трае, а минатогодишните претставници ја искористија приликата да не потсетат на уште еден „успех“.
Македонските претставници многупати биле критикувани за лоши сценски настапи и ужасни стајлинзи (да, се сеќаваме на мускулестиот корсет на Каролина), но апсолутен шампион во тоа беше Марија од бендот „Ај кју“.
Минатата година таа настапи со розово сатенско сако, облечено наопаку, под кое носеше мрежесто трико со „жешки“ ногавици, без градник и убедливо лош крој. Затоа и по фестивалот Македонија го доби признанието за најлошо облечен изведувач.
Но, како тоа да беше малку, Марија својот аутфит го продава на Ибеј и тоа за 5.000 долари, со трошок за достава од најмалку 127 долари.
Дека не се работи за шега докажува и споделувањето на огласот на официјалниот профил на Инстаграм на „Ај кју“ и на профилот на Марија.
Евровизија ја призна ГРЕШКАТА – ТАМАРА е прва според жирито (ФОТО)
