Модните експерти велат дека постои одличен трик кој ги штити хулахопките од кинење, открива „The Sun“.
Постапката е следна – прво натопете ги, па ставете ги во кеса и потоа ставете ги во замрзнувач. Оставете ги во замрзнувачот цела ноќ. Одмрзнете ги на радијатор наутро и можете да ги носите. Оваа постапка ги зајакнува влакната во хулахопките и ги прави поотпорни на оштетување.
Стилистката Дениз Колдвел вели дека замрзнувањето ја зачувува бојата на хулахопките, го спречува создавањето на топчиња на нив и ги одбива влакната што можат да се залепат на нив. Покрај класичните хулахопки, овој трик помага и кај мрежестите.
Новинарка го тестирала овој трик
Антониа Хојл , новинарка на „Daily Mail“ пред неколку години тестирала колку навистина е ефикасен овој трик. Хојл вели дека постои теорија дека температурите под нулата го зајакнуваат материјалот. Студот делува на молекулите на хулахопките така што откако ќе се вратат на собна температура тие стануваат поотпорни и нема да се скинат толку лесно како што обично се случува.
Антониа натопила нов пар хулахопки во ладна вода, ги ставила во кеса и потоа ги ставила во замрзнувач. Следниот ден ја пречекало парче мраз со хулахопки. Биле потребни осум часа за да се одмрзнат, а потоа изгледале сосема нормално како порано.
Ги облекла и под прстите почувствувала како конците во нив да се подебели од порано. Таа тврди дека навистина станале поотпорни на
кинење, едноставно била импресионирана.
Новинарката испробала уште неколку теории за тоа како да го продолжи животот на хулахопките – прскање со лак за коса, триење со сапун, ставање ракавици на рацете додека ги облекува, триење на стапалата со бебешка пудра итн. Но, само методот со замрзнување се покажал ефикасен.
