Истражување објавено во магазинот Psychology Report покажува дека луѓето кои имаат секс најмалку еднаш месечно во организамот имаат зголемено ниво на одредени антитела, што е од големо значење за имунолошкиот систем.
Сексот позитивно влијае на општото здравје и има многу предности за менталното здравје. Го намалува чувството на болка, го подобрува имунитетот и позитивно влијае на целокупното здравје. Зошто е тоа така, што се случува во текот на сексот?
Науката го дава одговорот, во текот на сексот доаѓа до висока концентрација на ендорфин кој го олеснува чувството на болка. Сексот е многу здрав и за срцето, го намалува нивото на кортизол и им помага на луѓето да се опуштат и полесно да се соочат со стресни ситуации. Сексот го намалува ризикот од рак на простата и крвен притисок.
Во студијата учествувале 3.000 Американци на возраст од 57 до 85 години.
Со оглед на тоа што сексот е еден вид вежбање, нормално е после да чувствувате умор. Со ослободувањето на окситоцин се добива чувство на поспаност, а оргазмот ќе го подобри сонот. Сексот исто така ја подобрува и работата на мозокот и влијае на меморијата.
