Шејла Калверт-Џин, единаесетгодишно девојче од Мелбурн, Австралија, е една од стотиците луѓе ширум светот со синдром што нема ни име на македонски јазик. Во слободен превод, би можеле да го наречеме „синдром на тврда коса“.
View this post on Instagram
Тоа е ретко генетско нарушување што го прави речиси невозможно чешлањето и исправањето на косата. Луѓето со оваа „аномалија“ обично имаат руса, „сламена“ и „неуредна“ коса, а синдромот се јавува на возраст од три месеци до 12 години.
View this post on Instagram
Оваа необична девојка стана позната личност на социјалните мрежи откако нејзините родители ѝ отвориле инстаграм-профил, со цел да му покажат на светот како оваа девојка се справува со различностите и коментарите од страна на другите луѓе.
View this post on Instagram
Коментарите во повеќето случаи се позитивни, а многумина девојчето го споредуваат со славниот научник Алберт Ајнштајн, бидејќи нивната коса е речиси идентична, само што таа и изгледа неодоливо.
„Ја сакам мојата коса бидејќи е уникатна, не е здодевна и обична како на другите луѓе. Сите ме препознаваат и ме паметат по фризурата, тоа е кул. Мислам дека повеќето од моите пријатели би сакале да имаат коса како мојата“, вели преслатката Шејла.
Сепак, семејството дури и не знаело дека девојчето има генетска мутација до пред четири години, но со една посета на лекар, тие дознале за што станува збор.
Нејзиниот постар брат Тилан е најголемиот заштитник на Шејла, особено кога другите деца ја задевале поради нејзиниот необичен изглед.
View this post on Instagram
„Не се само децата проблем и возрасните можат да бидат прилично непријатни. Секој сака да ја допре нејзината коса без да прашаат и да ја фотографираат, а коментарите често знаат да бидат несоодветни“, вели мајката на девојчето, Селест.
Сепак, Шејла и нејзиното семејство целата приказна успешно ја свртеле во своја корист, бидејќи девојчето сега заработува од манекенството и популарноста што ја стекна.
