Наредниот месец издавачката куќа „Ricoli“ ќе ја објави книгата за таткото на славниот актер Роберт Де Ниро, поточно за познатиот Роберт Де Ниро постариот. Материјалот за книгите е пронајден во четири тома кои зад себе ги оставил Де Ниро постариот по смртта во 1993 година, а книгата говори за неговата борба да заработи пари, да добие признание како уметник, за анксиозноста и менталните проблеми со кои се борел за хомосексуалноста поради кој се расипал и неговиот брак со мајката на Де Ниро Јуниор.
Поради содржината на книгата актерот признал дека има страв да ја прочита.
– Ќе ја прочитам книгата кога ќе бидам подготвен за тоа, но во овој момент ова е мој начин да се справам со тоа. Тажно ми е сето тоа да го читам. Тој имаше свои демони и жалам поради тоа – изјави повеќекратно наградуваниот актер.
Иако книгата излегува дури наредниот месец, уште сега се познати одделни детали, а еден дел особено привлекол внимание.
– Доколку Бог не сака да бидам хомосексуалец (поради што чувствувам голема вина), ќе пронајдам жена која ќе ја сакам и која ќе ме сака. Но јас навистина не сакам ја излечам својата хомосексуалност, се вели во еден дел од книгата.
Познатиот актер во едно интервју зборуваше за хомосексуалноста на татко му, што е тема на која и е посветен значаен дел од книгата.
– Не бев свесен за неговата хомосексуалност. Мајка ми подоцна ми го кажа тоа, но кога сте млади вие извлекувате одредени заклучоци. Некако сето тоа го разбирав, изјави познатиот актер.
