Овие славни дами за да имаат идеална линија подготвени се на сè. Тие се постојано изложени на погледи од јавноста, а притисокот што го трпат е огромен. Од нив се очекува да изгледаат совршено во секое време, па затоа и прибегнуваат кон сосема бизарни методи на слабеење. Еве за што станува збор:
Рене Зелвегер – диета со коцки мраз
Бидејќи требала да се здебели многу за потребите на улогата на Бриџит Џонс, оваа реномирана и наградувана актерка решила да ја отстрани својата тежина со строга диета, што вклучува само консумирање коцки мраз во внимателно одрабен временски период.
Џенифер Лопез – масло од грејпфрут
Истражувањата покажаа дека маслото од грејпфрут содржи ароми кои можат да го намалат апетитот. Имено, Џенифер Лопез е една од славните кои секогаш во чантата има масло од грејпфрут. Извори тврдат дека Џенифер го „вдишува“ три пати на ден по 15 минути, со цел да го потисне апетитот.
Мишел Фајфер – диета со медитација
Оваа многу опасна диета се практикува како дел од култот чии следбеници веруваат дека преку процесот на медитација човек може да живее само од воздух и сонце. Мишел Фајфер признала дека била дел од овој култ на почетокот на нејзината кариера и дека го применувала овој метод на одржување на тежината.
Ферги – јаболков оцет
Иако не се придржувала на ригорозен план на исхрана како останатите ѕвезди, пејачката смета дека за нејзината витка линија е заслужен јаболковиот оцет, кој го земала по две лажици на ден. Како што и самата призна, таа, исто како и Мишел Фајфер, некое време го практикувала методот на медитација за да стигне до идеална тежина
Никол Кидман – тврдо варени јајца
Додека го снимала филмот „Cold Mountain“, Никол Кидман била на диета со тврдо варени јајца. Оваа диета не е премногу комплицирана – ниту здрава: таа јадела едно варено јајце наутро и две до три навечер.
