Често се случува со нетрпение да го очекуваме месечниот хороскоп, да прочитаме нешто повеќе за наклонетоста на ѕвездите, дали ќе имаме повторно средба со бившиот партнер, или ќе се појави некој нов во животот. Дали ни следи работата од соништата или ќе имаме посебен пресврт во кариерата. Кој е нашиот среќен ден или број? Како да освоиме некоја личност во конкретен знак?
Секој хороскопски знак си е карактеристичен сам по себе. Сите сме посебни на свој начин. Тамара Грујовиќ Дуковска изработува професионални натални карти и е во супер однос со хороскопските знаци. За espresso.mk, Тамара ни открива кои се најдобрите карактеристики на хороскопските знаци и како да го подигнеме нивото на нашата самодоверба.
Започнуваме со Овен, Бик и Близнаци:
Овен
Прв знак, прво поле, прв тим, прва радост, првак, пионер, предводник, провокатор, пролет, почеток → Овен. Кога би постоела единица мерка која одеднаш би измерила брзина, нагон, импулсивност, директност, избувливост, глад за докажување, жед за адреналин, акција, реакција – со сигурност би се викала Овен.
Бик
Ова е непокорна волја. Ова е неуморна волја. И ова не е тврдоглавост. Ова е упорност. Упорност на која може да и позавидиме… Голема е разликата од самоуништувачкото однесување, до трпението да се истрае. Од Биковите учиме за трпението… Од Биковите учиме за толеранција и разбирање.
Близнаци
Ова е забавната страна од животот. Ова е незапирливата страна од животот. Ова се сите насмеани деца. Ова е детски џагор. Ова се сите деца кои низ игра животот го гледаат. Ова се сите кои во душата се деца. Затоа се ова младолики луѓе. Но, ова се и сите кои страв од старост длабоко во себе носат.
„Ве сака Тамара до Јупитер“
Многу повеќе за карактеристиките на хороскопските знаци може да прочитате на : JupiterStories
