– Како што најавивме, до крајот на оваа работна недела под влијание на студена воздушна маса од север, времето во Македонија ќе биде сончево и студено со мала до умерена локална облачност. Ќе дува слаб до умерен ветер од променлив правец. Минималните температури ќе бидат доста ниски, и на средината од оваа недела истите ќе се спуштаат во интервалот од -11 до -3 степени, додека максималните дневни ќе се искачуваат во интервалот од -1 до 7 степени – вели нашиот метео прогнозер Славчо Попоски.
И во Скопскиот регион во следните денови времето ќе биде сончево и студено со мала локална облачност.
Ќе дува слаб до умерен ветер од променлив правец.
Минималните температури се очекува да се спуштат до околу -6 степени, додека максималните ќе се искачуваат во интервалот помеѓу 2 и 4 степени.
