На голема радост на сите вас – почнавме уште една прекрасна соработка со готвачка за која готвењето е уметност – Наташа Мустафа.
Оваа врвна креативка во кујна своите маестрални рецепти ги објавува на својот инстаграм-профил, а сега вкусните рецепти ги доближуваме и до вас!
(РЕЦЕПТ) НАТАША НИ НАПРАВИ ТАРТ ОД ТИКВА: Уживајте во мирисот на есента!
„ЉУБОВТА КОН ГОТВЕЊЕТО ЈА НАСЛЕДИВ ОД ДВЕ ПРЕКРАСНИ ЖЕНИ, ИЗВОНРЕДНИ ВО КУЈНА, МАЈКА МИ ЗОРЕ И БАБА МИ РАДА. ГОТВЕЊЕТО МЕ ОПУШТА И ПРЕКУ НЕГО ЈА ИЗРАЗУВАМ МОЈАТА КРЕАТИВНОСТ. ГОТВАМ, СЕРВИРАМ, ФОТОГРАФИРАМ.ТОА Е МОЈ НАЧИН ДА ЈА РАСКАЖАМ ПРИКАЗНАТА И ПРЕНЕСАМ ПОРАКАТА ДЕКА ГОТВЕЊЕТО Е УМЕТНОСТ“, НИ ОТКРИВА НАШАТА ДРАГА НАТАША.
Денес, Наташа ни направи пита од наут. „Не знаете колку е само вкусно“, вели Наташа.
(РЕЦЕПТ) НАТАША НИ НАПРАВИ МЕДИТЕРАНСКИ РЕЗАНЦИ СО САРДИНА: Вкусот на морето во вашата чинија!
Потребни состојки:
- Околу 250 гр наут
- 2-3 моркови
- 1-2 домати
- 1-2 млади кромитчиња
- 6-7 маслинки
- 5-6 зелени маслинки со пиперка
- 1 рака пченка
- 4-5 кисели краставички
- 1-2 феферонки
- 2-3 лажици путер од кикирики
- 1 лажица сенф
- зачини по вкус
View this post on Instagram
Подготовка:
Наутот варен, се блендира на крупно. Му се додаваат ренданите моркови и 1 лажица путер од кикири. Смесата се става во тава обложена со хартија за печење. Одозгора се ставаат останатите состојки: домати, младо кромитче, маслинки, пченка, кисели краставички, феферонки, морков. Над сето ова се полева сос од путер од кикири, сенф и малку водичка па се става да се пече околу половина час до 40 минути. Првите 15 минути печете на 200, па намалете на 180 степени.
На здравје!
