Новиот сопственик на Твитер, Илон Маск, го испрати првиот мејл до вработените, со барање да се подготват за „тешките времиња“, Блумберг.
Бизнисменот рече дека нема идеја како да ја „заслади ситуацијата“ поради моменталната економска ситуација, која особено им наштетува на компаниите поддржани од реклами како Твитер. Според Маск, режимот на работа на далечина во компанијата сега е укинат. Вработените мора да дојдат во канцеларија и да бидат во неа најмалку четириесет часа неделно. Исклучоците од ова правило мора да бидат одобрени лично од Маск.
За две недели колку што милијардерот е сопственик на Твитер, отпушти околу половина вработени, и речиси сите врвни менаџери. Тој, исто така, ја зголеми претплата на Twitter Blue на 8 долари месечно. Маск рече дека очекува средствата од претплатите да бидат околу половина од вкупниот приход на Твитер.
