Градоначалникот на Струмица Коста Костадинов со емотивна порака му се заблагодари на најдобриот македонски фудбалер струмичанецот Горан Пандев кој во интервју за италијанска „Газета“ најави дека и официјално заминува во пензија.
Градоначалникот Костадинов за Пандев вели дека е најголемиот амбасадор на Македонија, најголемиот промотор на Струмица.
„Ден кој буди емоции кај секој Македонец, особено кај нас струмичаните. Најголемиот амбасадор на Македонија, најголемиот промотор на Струмица. Легендата која пред светот со гордост говореше за Струмица, човек кој го достигна врвот за кој многу сонуваат, а остана сепак човек, скромен и спремен да помага. Горане како струмичанец ти благодарам за се“, вели Костадинов.
