Ердоган рече дека ќе има телефонски разговори со Путин на 11 декември.
Турскиот претседател Реџеп Таип Ердоган изјави дека во недела на 11 декември ќе оствари телефонски разговори со неговиот руски колега Владимир Путин, пренесува Ројтерс.
Турскиот претседател најави и дека ќе разговара за зајакнување на договорот за жито со неговиот украински колега Володимир Зеленски.
На почетокот на декември, Ердоган повика на продолжување на напорите за организирање преговори меѓу Русија и Украина.
Претходно, тој истакна дека Анкара ќе продолжи да прави напори за мирно решавање на конфликтот, што може да биде помогнато со спроведувањето на договорот за жито, што беше склучен на 22 јули со учество на Русија, Турција, Украина и ОН.
На 18 ноември, Путин и Ердоган во телефонски разговор уште еднаш ја истакнаа важноста од исполнување на договорот за жито.
