Божиќните пости кои траат 40 дена се голем предизвик како за верниците, така и за традиционалната македонска кујна. Традиционалното посно мени овојпат сакаме да го збогатиме со нови посни рецепти кои ќе бидат лесни за подготовка и вкусни за да уживате комплетно во постот.
Денес ви откриваме еден посен рецепт на една многу вкусна чорба која убаво ќе ви дојде ова поладне, ќе ве стопли и засити.
Состојки:
– 6 компири
– 3 лажици таан
– 100мл. лимон
– 30гр. свеж магдонос
– сол и бибер
Подготовка:
Излупете ги, убаво измијте ги и ставете ги да се варат во вода. Откако убаво ќе се сварат оставете ги да се изладат, а потоа ставете ги во блендер со 100мл. студена вода.
Сместата од блендерот истурете ја во водата во која се вареле компирите (со тоа можете и сами да ја одредите густината на супата, помалку или повеќе вода, погуста супа или поретка чорба)
Потоа ставете го повторно тенџерето да зоврие убаво со компирите и кога ќе се излади додадете го таанот, свежиот магдонос и зачините по вкус.
Добар апетит!
Вкусови што се памтат: Посна македонска кујна – Чорба од компир и таан (РЕЦЕПТ)
