За овој брз десерт, доволно е да имате јаболки, шеќер и вода…
Не тагувајте што вашите деца и вие оваа година нема да можете да уживате во шеќерните јаболка на новогодишните базари, туку подгответе ги дома самите.
Потребни состојки:
7 јаболки
550 гр шеќер
180 мл вода
80 гр глукозен/бонбонски сируп
стапчиња
Подготовка:
Јаболките добро измијте ги, особено доколку се прелеани со восок. Отстранете ги дршките и избришете ги со хартија. На местото на дршката забодете дрвено стапче.
Во сад на оган ставете го шеќерот, водата и глукозниот/бонбонски шеќер. Промешајте и оставете да се вари. Нека се вари умерено околу 15-18 минути, а за тоа време не мешајте. Шеќерот треба благо да пожолти, а во видеото можете да го погледнете деталниот процес на варење. Тргнете го садот од оган, додадете прехрамбена црвена боја и измешајте. Потопете ги јаболката со стапчињата, а потоа одложете ги на хартија за печење. Оставете ги да се оладат. Кога смесата ќе се излади и ќе се стегне (а ова се случува брзо), повторно ставете ја кратко на оган за да можете да ги зашеќерите и останатите јаболки.
Завиткајте ги во целофан, ставете им машничка и израдувајте го вашето семејство.
Совет плус:
Користете поситни јаболки. Можете да користите и зелени и црвени, по ваш избор.
Наместо сируп можете да користите и мед но секако препорака е тоа да биде бонбонскиот сируп.
