Црвените ајварски пиперки не мора да ги користите само за подготовка на ајвар. Тие се одличен додаток и во туршијата.
Ова е рецепт за зимница позната како царска туршија, која е одлично мезе во зимските денови кои ни претстојат.
Состојки:
1 кг црвени пиперки
2 кг зелка
700 гр моркови
5 страка целер
Два карфиола
Шеќер, сол, оцет, два аспирина
Подготовка:
Исечете го зеленчукот на парчиња со големина по желба. Зелката исецкајте ја ситно. Измешајте го зеленчукот и редете го еден ред мешан зеленчук, еден сецкана зелка, додека да ја наполните теглата.
Во секоја тегла одат по една лажичка шеќер, една сол, 4 лажици бел оцет и два аспирина. Зовријте вода и дополнете ја секоја од теглите. Добро затворете и чувајте на темно место.
