Овој рецепт во вашата трпезарија ќе го донесе вкусот на пролетната комбинација од зеленчук и шунка.
Потребни состојки:
500 гр готови кори за пита
Една млада тиквичка
Еден врзоп млад кромид
100 гр кисела павлака
100 гр сецкана шунка
Едно јајце
Сол, бибер и масло
Подготовка:
Изрендајте ја тиквичката и посолете ја. На масло пропржете го сецканиот кромид заедно со шунката, па додадете ја посолената и исцедена рендана тиквичка.
Тргнете ја смесата од оган, додадете ги павлаката и изматеното јајце и измешајте.
На првата кора ставете тенок рамномерен слој од филот, потоа врз него ставете втора кора и врз нејзе нанесете тенок слој и свиткајте во ролна.
Повторувајте ја постапката додека да се потрошат корите и филот.
Премачкајте ги ролните со масло и печете 40-45 минути на 200 степени Целзиусови.
