Состојки:
– 750 г свинско или пилешко месо
– тортилји
– 400 г мексикански грав од конзерва
– 200 г обарен ориз
– 4 млади кромитчиња
– 100 г гауда кашкавал
– 4 лажици павлака
– 1 марула
– сок од 1 лимон
– 2 чешниња лук
– 2 домата
– масло
– сол, црн пипер и чили во прав
Подготовка:
Месото исечете го на помали парчиња, зачинете го со сол, црн пипер, чили во прав ( можете да додадете и други зачини по желба), па ставете го во тава да се пржи на тивко. Ако готвите свинско, можете да додадете малку вода, за да омекне побрзо.
Во друга тава додајте маслиново масло и во него испржете ги кратко сечканите чешниња лук, па додајте го исцедениот грав од конзерва. Запржете кратко и додајте го оризот, па продолжете со пржење. Доматите исечете ги на резанки, а младиот кромид ситно.
Измешајте ги, посолете и полејте со сокот од лимон. Марулата исечкајте ја. На грил-тава испечете една тортилја, потоа на средината премачкајте ја со павлака, ставете малку од смесата со ориз и грав, над неа од смесата со домати и кромид, потоа зелена салата и на крај месо.
Изрендајте малку кашкавал и завиткајте бурито.
