Божиќните пости кои траат 40 дена се голем предизвик за верниците, а ние ви носиме посни рецепти за идеја од традиционалната македонска кујна.
Традиционалното посно мени овојпат сакаме да го збогати со нови посни рецепти кои ќе бидат лесни за подготовка и вкусни за да уживате комплетно во постот.
Овојпат ќе ви претставиме брз и лесен рецепт на домашен намаз кој е одличен избор за брз ручек, а може да се комбинира со многу други посни јадење како додаток или како главно јадење.
Состојки:
– 6 компири
– 300 гр. мелени ореви
– 2 лажици доматно пире
– 2 лажици сенф
– сок од ½ лимон
– 2 чешниња лук
– сол и бибер по вкус
Подготовка:
Сварете ги компирите и со пасирање подгответе ги како за пире. Ставете го пирето во подлабок сад и додадете сол, бибер, лук (убаво истолчен), доматно пире, сенф, ореви и лимон.
Измешајте ја смесата убаво со миксер додека не добиете хомогена смеса.
Намазот ставете го стаклена тегла и уживајте во него кога и да посакате на топло лепче.
Одлично оди и со печени компири или во комбинација со некоја свежа салата.
Добар апетит!
