Оваа лесна „торта“ е совршен додаток во вашиот арсенал на рецепти. Ем здрава, ем вкусна.
Потребни состојки:
– 90 гр овес
– 200 – 250 мл млеко (може од растително потекло)
– 1/2 лажиче цимет
– 1 лажиче екстракт од ванила
– Стевиа или мед за засладување
– 1 јајце (по избор)
– 1 праска
– Боровинки / капини
– Лешници / ореви
– јајце(по избор)
Подготовка:
1. Загрејте ја рерната на 180С
2. Измешајте го овесот, млекото, циметот, екстрактот од ванила, засладувачот и јатките во сад.
3. Пробајте ја смесата и прилагодете ја посакуната сладост, а потоа, по желба, додадете јајце и измешајте додека не се соедини (јајцето е по избор, но е добро за дополнителни протеини).
4. Префрлете ја смесата во тава за печење. Ставете го овошјето одозгора и печете во рерна околу 20 минути.
