Состојки:
1/2 чаша за кафе, млеко или вода
1 чаша масло за јадење
1 жолчка
малку сол
лимон
Подготовка:
Пред да почнете со подготовката на путерот имајте при рака, миксер, две чинии со различна големина за да можете да ги ставите една во друга и мраз.
Во поголемата чинија истолчете го мразот и додајте малку вода за на тој начин да се одржува температурата околу 0 степени Целзиусови. Помалата чинија ставете ја во мразот и почнете со подготовката на домашниот путер.
Загрејте ги водата и маслото на околу 40 степени. Потоа тргнете ги од оган и истурете ги во чинијата во која веќе се наоѓа мразот. Веднаш ставете ја жолчката и со миксер мешајте ја на најмалата брзина. Потоа постепено додавајте ја млаката вода или пак млекото и повторно убаво изматете ја смесата, но сега со најголема брзина на миксерот. На крај, додајте сок од еден исцеден лимон и повторно убаво промешајте. Во вашиот домашен путер можете да додадете зачини по желба.
Вака подготвениот путер, префрлете го во соодветен сад и чувајте го во фрижидер. Затоа што во него има свежа жолчка, препорачливо е да го изедете во рок од два до три дена.
