Читателите на нашето печатено издание веќе имаат прочитано за Ана Аврамова. Во текот на минатата година, во неделниот магазин за здрав живот, за прв пат се запознавме со нашата омилена веган-девојка. Ана има 29 години, доаѓа од сончевата Гевгелија, веган е веќе неколку години и за кулинарството има и диплома, а од првиот момент кога ги здогледавме слатките рецепти кои таа сама ги подготвува, веднаш и го доделивме епитетот гастро-уметник!
Преку претходниот видео-рецепт имавме можност да научиме како да направиме брзи и лесни вегански чоколадни truffles со јагоди, од само три основни состојки! Оваа недела ќе научиме како да направиме еден многу многу добар рецепт, за кој повторно ветуваме дека ќе излижете прсти! Неодоливо вкусни, вегански, и најбитно, добри за нашето здравје – вегански торти со лимон и боровинки! Доколку постите, ви препорачуваме да се насладите со овие превкусни торти, за кои ќе добиете само пофални критики! Не заборавајте да го користите хаштагот #БезМана доколку ги приготвите рецептите, и секако, не пропуштајте ја следната епизода на Без Мана со Ана, само на Слободна ТВ, секој петок во 10 часот!
