Грчењето или треперењето на очните капаци е доста честа појава и обично не треба да се грижите.
Состојбата на привремено или продолжено грчење или треперење на окото се нарекува миохемија на очните капаци и е резултат на ненамерно или погрешно насочување на невроните кои ги стимулираат вашите мускули.
Постојат неколку вообичаени причини зошто очните капаци ни се грчат:
– Стрес
– Вишок кофеин
– Дехидратација
– Замор
– Замор на очите
– Алкохол
– Суво око
– Проблеми со јадење
– Алергии
Во ретки случаи, грчењето на окото може да биде знак на одредени нарушувања на мозокот и нервите, но потоа грчењето е придружено со други знаци и симптоми.
Побарајте медицинска помош ако грчењето трае долго време (една до три недели), ако грчењето се појави во други делови на лицето, а очите се црвени, отечени или имаат исцедок.
