Нането и неговите варијанти што може да се најдат во природата не се користат само во кујната, туку и во козметички и здравствени цели.
Ментата, која е вид на нането е одличен извор на А, Ц и Б6, како и на минерали и калиум.
На овие начини можете да ги користите:
Пилинг за стапала
Направете освежувачки пилинг со тоа што ќе ставите неколку листови свежа мента во леѓенот со топла вода. За кратко ќе ги разлади стапалата и ќе ја ублажи болката во мускулите. Има и антибактериски својства, па ќе ве ослободи и од можните непријатни мириси.
Пилингот направете го на начин што ќе измешате една шолја шеќер, половина шолја маслиново масло, половина шолја исецкано свежо нане или мента и две лажици сомелени овесни снегулки. Измасирајте ги стапалата со смесата и потоа исплакнете.
За нега на коса
Антибактериските својства на нането и ментата можете да ги искористите за зајакнување на коренот на косата и за поттикнување на растот. Сварете чај од нане или мента и исплакнете ја косата откако ќе ја измиете со шампон.
Тоник за кожа
Ментата ја регулира ПХ-вредноста на кожата, а содржи и салицилна киселина која е добра за борбата против акни. Направете силен чај и еднаш во денот тонирајте го лицето со него.
