Пигментот што влијае на бојата на забите се наоѓа во помал процент во виното, но пијалaкот во кој е присутен многу повеќе е најверојатно одговорен за вашата насмевка која не „сјае“.
Вистина е дека чајот повеќе ги обојува забите отколку кафето поради високата концентрација на танин, вели стоматологот Ина Черн за „Welllandgood“ и објасни дека танинските соединенија се она што му дава горчлив вкус на чајот. Оние кои претпочитаат зелен чај не мора да се грижат премногу.
Темните чаеви имаат многу повисока концентрација на танин, кои со текот на времето влијаат на бојата на забите.
„Количината на танин во чаевите варира во зависност од производителот, но со сигурност може да се каже дека црниот чај има најголема количина, додека зелениот има многу помала количина“, вели Черн.
Билните чаеви се генерално добри за вашите заби.
„Чаевите без танин ги вклучуваат повеќето од оние без кофеин или оние од растенија како ѓумбир, шипинки, камилица, јасмин и хибискус“, додаде таа.
Неколку совети за луѓето што пијат чај:
- Додадете млеко или замена за млеко во чајот. Ова ќе ја осветли бојата и со тоа малку ќе ги заштитите забите.
- Откако ќе го испиете чајот, можете да пиете малку вода и да ги измиете забите.
- Пиењето чај со сламка ќе го минимизира контактот на течноста со забите.
