Поради убавата миризба се употребува и во козметичките производи, но одлична е како природен лек против депресија, несоница и анксиозност.
Лавандата на различни начини се употребува уште од најстарите времиња.
Според истражувањата купката од лаванда има терапевтско делување , ослободува од стрес и нервоза и ги протерува лошите мисли.
Овие лековити моќи на лавандата се потврдени со уште едно, ново истражување кое доаѓа од невропсијитриската клиника Хиросаки, во Јапонија. Докторите од оваа болница тврдат дека ароматерапијата делува на расположението, па купките од лаванда се употребуваат за подигнување на расположението кај пациентите кои се лекуваат од депресија.
Измерено е и влијанието на маслото од лаванда врз анксиозноста и потврдено е дека лавандата значително ја ублажува состојбата на вознемиреност.
Капка етерично масло од лаванда на перницата помага во релаксирањето, ги протерува негативните мисли и помага побрзо да заспиете.
Па, доколку до сега не сте ја испробале купката од лаванда, еве добра причина тоа да го направите.
За да ја подготвите потребни се 100 грама цветови лаванда кои ќе ги ставите во када полна со топла вода. Оставете да отстојат во водата половина час, а потоа релаксирајте се во моќната купка.
