Фитнес инструкторката Елена Мирческа подговтви нов сет вежби за читателите на Еспресо.
Елена денес ви предлага неколку основни вежби кои можат да се изведуваат во домашна атмосфера, за затегнување на целото тело.
-Со редовно практикување на вежбите ќе придонесете за огромни промени во обликување на телото и разведрување на духот. Сè што ви треба е една столица или софа и две шишиња со вода или песок, вели елена.
-
Чучњеви
Основната вежба се изведува со поставување на стапалата во ширина на рамениците, паралелни едно со друго, рамениците се повлекуваат наназад, градите се отворени, грбот е исправен, половината свиткана во неутрална позиција. Пред да се спуштиме надолу, земаме воздух, го згрчуваме стомакот за дијафрагмата да ги стабилизира внатрешните органи и половината. Седнуваме назад, кој колку може подлабоко, со тежината на петици. Не смее колената да ги преминат палците на нозете и грбот да се свитка.
Варијација: при станување горе, ја креваме ногата високо напред, наизменично.
Таргетирани мускули: предни и задни мускули на бутот, задникот и стомачните мускули во улога на стабилизатори.
Започнете со по 10 повторувања и секој ден зголемувајте за едно повеќе!
-
Расчекот со подигната нога
Тоа е статична форма на расчекор која се изведува со едното стапало подигнато зад вас и голем исчекор напред. Го носите телото нанапред и истовремено ги виткате двете колена додека не достигнат агол од 90 степени. Внимавајте да не ја носите тежината премногу напред, како и коленото на предната нога не го премине палецот. Држете го грбот во неутрална положба и стомакот стегнат. Кога се враќате нагоре, силно стегнете ја ногата и задникот, за да се стабилизира предното колено.
Внимание, не е препорачливо да се изведува оваа вежба или било која друга форма на расчекори доколку имате било каков проблем со колената!
Таргетирани мускули: предни и задни мускули на бутот, задникот и стомачните мускули во улога на стабилизатори.
Започнете со по 5 повторувања на нога и постепено зголемување според можностите.
Утре (понеделник, 20 септември) на еспресо.мк прочитајте ги останатите вежби од инструкторката Елена Мирческа – варијација на висок планк и стомачни со седење.
За повеќе вежби, можете да ги посетите и „онлајн“ часовите на Елена или да ја „лајкнете“ Фејсбук страната @FitnesStudioLadyFit.
