Нема позитивна енергија туку искри на омраза помеѓу пејачката Ријана и моделот Кендал Џенер. Така е барем според најновите шпекулации, но да се обидеме да ја разбереме причината за овие гласини.
Се појавија фотографии и ведео од Ријана и нејзиниот партнер A$AP Роки кои беа гости на модната ревија на брендот Off White во Париз.
На ревијата парадираше супермоделката Кендал Џенер, додека Ријана со партнерот прават фаци кои кажуваат се.
За да се разбере причината за ова нетрпение меѓу двете ѕвезди треба да се вратиме на нивната прва кавга која се случи во далечната 2013 година. Тогаш Кендал, непосредно пред концерт на Ријана напиша на Твитер: „Ако Ријана утре не ја пее Camplicated, ќе бидам многу лута“.
Одговорот на пејачката беше: „Па, тогаш не доаѓај!“.
Кавгата продолжи две години подоцна, во 2015 година, кога Ријана дозна дека нејзината пријателка моделката Џордан Дан била речиси „избркана“ од модното шоу на Викторија Сикрет и дека во главната улога била заменета со Кендал. Така, Џордан Дан решила сосема да го откаже својот настап на ревијата.
Пријателката на Ријана, Џордан, напиша тогаш на твитер: „Сега се чувствувам многу подобро, нема да учествувам воопшто на ревијата на Викторија сикрет зашто и Ријана би го направила истото“.
Во видеото погледнете ја реакцијата на Ријана насочена кон Кендал Џенер на неодамнешната ревија во Париз.
