На социјалните мрежи секојдневно се споделуваат стотици информации и дезинформации за војната во Украина и за руската инвазија. Социјалните мрежи се преплавени со купишта информации, но меѓу нив, за жал, има и многу непроверени вести.
Токму во една таква дезинформација се најдоа, ни криви ни должни, српските актери Драган Бјелогрлиќ, Никола Којо и Ненад Оксановиќ.
Имено, на твитер-профилот Ukrainehouse се појави фотографија со сцена од култниот филм од 1996 година „Убавите села убаво горат“. На фотографијата се прикажани Драган Бјелогрлиќ и Никола Којо како наздравуваат со пиво откако го запалиле селото.
Stand with Ukraine, but without lies and hoaxes.
This picture is from the Serbian movie Pretty Village, Pretty Flame (1996). One of these two is the famous Serbian actor Dragan Bjelogrlić.
This Tweet is deleted, but if you see this photo used for this type of posts, REPORT IT. pic.twitter.com/tqZJAoiRJd— Barbara Krpan (@BarbaraKrpan) March 4, 2022
-Руските окупаторски војници пијат пиво откако запалиле село. Европската цивилизација исчезнува во пламен – пишува во објавата на Твитер.
Набрзо потоа објавата е избришана, но дезинформациите се шират со брзина на светлината и во други објави. Така српскиот актер Ненад Оксановиќ беше заменет со украински војник, а Никола Којо беше претставен како украински генерал.
Neverovatno! Nenada Okanovića zamenili sa ukrajinskim vojnikom pic.twitter.com/WfB5oAAXP9
— Malagaravaa (@vaskekopirinac) March 1, 2022
-Ова е херој на Украина. Се вика Николај Којченко, генералот којшто низ прозор го гледа неговиот уништен Киев – стои во објавата.
This is hero of #Ukraine… His name is Nikolai Koychenko, sergant general, staring from his window in war torn #Kyiv…#StopWarInUkraine pic.twitter.com/qD6WIKhyFP
— Aleksandar Pičuškin (@APicuskin) March 1, 2022
