Во Крушево зимата сè уште трае, со 70 сантиметри снег и неодоливи пејзажи, ни јавува фотографката Ана Петроска и за еспресо.мк испраќа преубави тукуштонаправени фотографии.
– Оваа година Крушево забележува една несекојдневна зима со снег кој е на улиците на градот уште од Божиќ, а деновиве снежната покривка постојано се зголемува. Со тоа, Крушево станува неодоливо, белината создава прекрасни пејзажи за фотографија, а прошетките, особено во вечерните часови, се нешто што не смее да се пропушти – вели Ана.
Изминатите недели и денови таа постојано е во акција, прави и денски и вечерни фотографии, но како што вели, не може да одлучи која од која е поубава.
– Ако дневните се бесконечни бели површини со различни бои на фасадите на куќите, вечерните и ноќните го земаат здивот со градските светла и белината кој како дополнително да го осветлува градот – објаснува Ана и нè потсетува дека преостануваат уште денови за скијање и уживање во Крушево.
Ana’s Photos – justaphoto на facebook
Justaphoto.ap – на instagram
