Претседателот на Турција, Ердоган, го стекнал своето богатство со инвестирање во акции и во недвижен имот. Сопственик е на неколку ресторани и на фудбалски клуб во Анкара, а има и своја вотка. Списанието „People with money“ неодамна го стави на врвот на листата на најплатени политичари.
Многу се пишуваше за неговата луксузна претседателска резиденција изградена во турската метропола Анкара. Изградена е на површина што поранешниот турски претседател Мустафа Кемал Ататурк ѝ ја подарил на државата во 1937 година, а во 1992 година е прогласена за заштитен имот каде што е забранета изградба. Палатата сепак била изградена, иако турските власти се обиделе да ја запрат изградбата. Ердоган ја игнорираше оваа одлука.
– Нека ја срушат ако можат. Наредиле суспензија, но не можат да ја запрат изградбата на оваа зграда. Ќе ја отворам, ќе се преселам во неа и ќе ја користам, рече тогаш.
Инаку, палатата беше наменета за канцеларијата на турскиот премиер, но кога Ердоган дојде на власт во 2014 година, најави дека ќе ја користи како претседателска резиденција.
Ак Сарај, преведен како Белата палата, се наоѓа на рид над градот и, според Дејли Меил, има неверојатни 1.100 соби, од кои дури 250 соби ги користат само Ердоган со сопругата Емине и нивното потесно семејство.
Се разбира тука се и турските купатила, спа центар и базени, па се смета дека во текот на зимата за еден месец само за греење се плаќа над 600.000 евра.
Ентериерот е направен по негов вкус, со мермерни подови, златни детали и богати теписи. Палатата е три пати поголема од Белата куќа во Вашингтон и се смета за најголемата палата изградена во последните сто години.
