Во судот во Њујорк филмскиот продуцент Харви Вајнстин е прогласен за виновен за сторено кривично сексуално дело врз една жена и силување на друга жена. Тој беше одведен во злогласниот њујоршки затвор „Рикерс“ пред три дена.
Неговиот портпарол, Џуда Енгелмајер, рече дека Вајнстин паднал во затворот и се здобил со повреди, пренесува „Си-Ен-Ен“.
– Тој рече дека го боли главата и смета дека има потрес на мозокот. Досега нема добиено никаква конкретна дијагноза – рече Енгелмаер.
Вајнстин е осуден на условна казна до четири години затвор за силување од трет степен и минимум пет години затвор за кривично дело од прв степен.
Судбината на холивудскиот магнат се одлучуваше на суд повеќе од 26 часа, а од вкупно пет точки, тој беше прогласен за виновен за две.
