Турската актерка Мерием Узерли постигна светска слава со улогата на Хурем во серијата „Величествениот султан“, а пред неколку години се повлече од сцената на славните и се посвети на семејството.
Но, изгледа дека е време за враќање на малите екрани и тоа со најпознатиот актер од латино-американските теленовели, Фернандо Колунга, кој го гледавме во сериите „Есмералда“, „Злобничка“ и многу други.
Всушност, актерката го привлекла вниманието на Фернандо за време на средба на „Кана Дорада“ филмскиот фестивал, каде таа освои награда за најдобра актерка. Нешто подоцна, Колунга ја запознал со продуцентите.
Детали за новата серија во која треба да се појават засега не се познати, но според информациите од странските медиуми, Мерием ја прифатила улогата, а серијата ќе се прикажува во Мексико.
