Нашиот тим започна соработка со една посебна, прекрасна мајсторка во кујна – Мартина Трајаноска.
Шармантната Мартина стои зад превкусните рецепти пласирани на инстаграм-профилот (martinascooking).
Готви од мали нозе, а со текот на годините и искуството научила дека најважна состојка во секое јадење е – љубовта.
Денес Мартина ни направи тирамису торта.
– Ова е рецепт кој МОРА да го пробате ама уште веднаш. Ова не го кажувам тукутака, верувајте ми! Пробајте ја тортава уште во прва прилика… ќе се вљубите! – вели Мартина и додава – „Потребни ви се 4-5 главни состојки, а и нема да ве чини повеќе од 300 денари“.
Намирници
1 пакетче готови кори
За филот – 250 грама маскарпоне,
250 мл слатка павлака (хопла),
50 грама рендано чоколадо,
2 пудинзи од ванила сварени во 400 мл млеко и 200 грама шеќер,
200 мл нескафе
какао или кафе за наросување одозгора
ПОДГОТОВКА
За филот најпрво сварете 2 кесички пудинг во 400 мл млеко со 200 гр шеќер. Оставете го да се излади.
Настрана изматете слатка павлака, додадете го маскарпонето и пудингот и убаво измешајте, па додадете го ренданото чоколадо.
1 лажица нескафе и 1 лажица шеќер измешајте со 200 мл топла вода.
Секоја кора пред филот натопете ја со неколку лажици нескафе.
Редете кора-фил-кора-фил-кора-фил, па наросете какао.
Тортата може да ја послужите веднаш или да ја оставите кратко да се се излади.
