Популарната српска пејачка Теа Таировиќ секогаш сака да се претставува во јавноста како храбра жена, но како и сите и таа има свои стравови.
Поради еден од нив, таа дури и предизвикала хаос кога се враќала од настап во Германија. Имено, пејачката откри дека нејзиниот најголем страв е летањето, иако неколку пати неделно патува со авион.
„Жива вистина, верувале или не, но колку што летам, си направив шема – кога седам на десната страна, тоа е добар лет, а лево е главно турбулентен. Имам и апликација која го покажува времето и каков ќе биде летот, како и потенцијалните турбуленции“, објасни Теа.
Како што понатаму истакнува, во една прилика импулсивно излегла од авионот непосредно пред полетувањето.
„Се случи пред еден лет во Штутгарт, кога видов дека силно дува и реков дека нешто ќе се случи. Штом видов дека доцни полетувањето, реков дека нема да полета. Влегувам во апликацијата, таму се е црвено. Кога влеговме во авионот, само ме отсече и јас станав и реков дека нема да одам. Пријателите се обидоа да ме смират, немаше начин, ми велаа да останам, но јас си отидов. Во авионот имаше и Русин кој кога ме виде, стана и излеговме заедно. По 45 минути ми се јавува колега и ми вели дека авионот нема да полета“, изјави во една прилика пејачката за медиумите.
