Српската пејачка Гоца Тржан неодамна јавно проговори за нејзиниот поранешен сопруг Иван Маринковиќ.
Тој сега реши да ѝ одговори на пејачката, па изнесе неколку шокантни тврдења од нивниот заеднички живот.
„Некаде прочитав дека рекла дека ми го спасила животот. Таа ми го спаси животот кога бев болен во еден момент, а таа ми беше сопруга, па таа вечер мораше да биде покрај мене. Многу ти благодарам што ми го спаси животот. Ќе потсетам дека јас ѝ го спасив животот, кога ја запознав немаше ни денар во џебот. Кога велам немаше денар, сериозно и буквално го мислам тоа, затоа што претходниот дечко и украде 20.000 евра“, изјави тој.
Поранешниот сопруг на Тржан рекол дека не се „вселил“ кај неа бидејќи имала пари, туку дека, всушност, живееле многу скромно.
„Во тој момент, јас се борев и работев за неа и за нашиот живот, не се вдомив кај популарната пејачка. Напротив, таа имаше нула денари, а ние живеевме скромен живот“, повтори тој за „Пулс Србија“.
Како потсетување, Гоца Тржан и Иван Маринковиќ беа во брак од 2007 до 2011 година. Тие се родители на 16-годишната Лена.
Од 2015 година наваму, Тржан е во брак со актерот Раша Новаковиќ, со кого подолго време се обидуваат да добијат дете. Пејачката неретко зборува за својата борба повторно да стане мајка.
