Хрватскиот виолончелист Стјепан Хаусер го искоментира тоа што српската пејачка Александра Пријовиќ закажа пет концерти во загрепската „Арена“, каде што ќе настапи една недела по него.
Хаусер пред неколку дена одржа маестрален концерт во белградската „Арена“, а меѓу посетителите имаше и бројни српски јавни личности. Меѓу нив беше и тенисерот Новак Ѓоковиќ, кој и самиот се качи на сцената и се испроба како саксофонист.
На само неколку дена пред концертите на Александра Пријовиќ закажани во Загреб, тој исто така ќе одржи концерт во истата арена. Својот концерт го закажа за 25 ноември, а само седум дена подоцна Прија ќе ја забавува публиката пет вечери по ред.
По тој повод медиумите го прашаа што мисли за српската пејачка.
„Не ја слушам, но очигледно младите ги сакаат тие песни. Можеби ќе им дадам шанса и ќе видам што се крие во тие песни“, изјави музичарот за хрватската „Н1“.
