– Како што најавивме, утре времето во Македонија ќе се задржи претежно стабилно и суво но со зголемена облачност. Под влијание на циклонска активност пак од четврток па натаму се очекуваат нови врнежи од дожд, кој локално ќе бидат ПОИНТЕНЗИВНИ и проследени со појава на грмежи. Ќе започне да дува и засилен до СИЛЕН ветер од јужен правец. Што се однесува до температурите, тие и понатаму ќе бидат пролетно високи и ќе се искачуваат во интервалот од 14 до 21 степен – вели нашиот метео прогнозер Славчо Попоски.
И во Скопскиот регион утре ќе се задржи претежно стабилно и суво, но ќе има нешто повеќе облачност.
Според Попоски, од четврток па натаму и во скоспкиот регион ќе растат условите за повремени врнежи од дожд, а ќе има услови и за појава на грмежи. Исто така ќе започне да дува и засилен ветер од јужен правец, додека температурите ќе се искачуваат во интервалот помеѓу 19 и 20 степени.
