– Како што најавивме, за време на викендот, како и во првите денови од следната недела времето во Македонија ќе биде променливо облачно со повремени локални врнежи од дожд. За време на викендот локално ќе биде и нестабилно со пороен дожд, појава на грмежи, силен ветер и услови за ретка појава на град. На планините пак ќе има повремени врнежи од снег. Ќе дува умерен до засилен ветер од југозападен правец, додека температурите ќе се искачуваат во интервалот од 12 до 21 степен. Пад на истите и посвежо време се очекува од недела кога максималните температури ќе се искачуваат во интервалот од 8 до 17 степени – вели нашиот метео прогнозер Славчо Попоски.
И во Скопскиот регион за време на викендот, како и во првите денови од следната недела времето ќе биде променливо облачно со повремени локални локални врнежи од дожд, додека за време на викендот ќе има услови и за локална нестабилност проследена со пороен дожд, грмежи и засилен ветер. Ќе дува умерен до засилен ветер од југозападен правец, додека температурите ќе се искачуваат во интервалот помеѓу 13 и 17 степени.
