– Како што претходно кажавме, до среда времето ќе се задржи сончево со умерена локална облачност. Ќе дува слаб до умерен ветер и тоа во западните предели од југозападен, додека во останатите предели од југоисточен правец. Температурите остануваат натпросечно високи и максималните дневни ќе се искачуваат во интервалот од 10 до 17 степени – вели нашиот метео прогнозер Славчо Попоски.
Според Попоски потоа од четврток па натаму ќе има повеќе облачност, а ќе има услови и за повремен локален дожд и снег на планините. Температурите ќе бележат тенденција на пад и максималните дневни ќе се искачуваат во интервалот од 6 до 13 степени.
– И во Скопскиот регион до среда времето ќе се задржи сончево и натпросечно топло со умерена локална облачност. Ќе дува слаб до умерен ветер од југоисточен правец, додека температурите ќе се искачуваат во интервалот помеѓу 11 и 12 степени – вели Попоски.
Повеќе облачност и услови за повремен локален дожд ќе има од четврток па натаму, а температурите ќе бележат тенденција на пад и максималните дневни ќе се искачуваат во интервалот помеѓу 8 и 9 степени.
