Рациите на ФБИ на имотот на поранешниот американски претседател Доналд Трамп се „координиран напад“. Така вели синот на поранешниот шеф на Белата куќа, Ерик Трамп.
Тој рече дека владејачките кругови го гонеле Трамп и се обиделе да го „клеветат“.
Според Ерик Трамп, се соочуваме со обид на „најнепопуларниот претседател во историјата на САД“ Џозеф Бајден да го отстрани Трамп од учество на изборите. Тој истакна дека Доналд Трамп, пак, е „најпопуларниот претседател во историјата на САД“, кој добива многу љубов и поддршка од гласачите, пишува ТАСС повикувајќи се на Фокс њуз.
Да потсетиме дека претресите во имотот на Трамп на Флорида беа извршени на 8 август. Во настаните учествуваа до стотина офицери на ФБИ.
Републиканската партија ги нарече претресите „чин на тирански режим“ и ги спореди со акциите на Гестапо.
