FCtry, дизајнерска компанија со седиште во Бруклин, на пазарот лансира „акциона фигура“ на украинскиот претседател Володимир Зеленски, пренесува Гардијан.
View this post on Instagram
Станува збор за статуетка висока 15 сантиметри, моделирана од уметникот од Сиетл, Мајк Ливит.
Ќе се произведува во Кина, а првата пратка се очекува до март 2023.
Компанијата започна кампања за финансирање постигнувајќи ја зацртаната цел да собере 30.000 долари за само три часа. Вкупната сума донации веќе достигна 120 илјади. За секое продадено парче, еден долар ќе оди во хуманитарни цели во Украина.
„Начинот на кој го врамивме во кампањата е „неверојатниот херој“ – рече Џејсон Фајнберг, извршен директор и креативен директор на FCtry – тој е совршен лидер за овој момент. Има сила, но е скромен и некако го претставува спротивното од сето она што генерално се поврзува со политиката.
