Марија Рамадановски, ќерката на починатиот пејач Џеј Рамадановски, денеска се породи и роди девојче.
Марија се породила со царски рез и таа и нејзиниот сопруг Стефан Давидовиќ првпат се остварија во улогата на родители.
Инаку, Андријана Томаниќ, која последните 20 години ги помина со Џеј, откри како се чувствува Марија по породувањето.
– Пресреќна сум. Добредојде Миа. Честитки за мама Марија и тато Стефан. Среќно раѓање Миа – рекла таа.
Марија и Стефан веста дека чекаат девојче ја објавија на 4 февруари годинава, кога го дознаа полот на бебето, а во чест на тоа одржаа мала прослава само за најблиските пријатели, а дотогаш Марија успешно ја криеше бременоста од јавноста.
Тие се венчаа минатата година во Белград, а Марија го зеде презимето на својот сопруг. Свадбената прослава се одржа во ресторан, а Марија тогаш донесе одлука да го заигра првиот танц со својот сопруг на еден од најголемите хитови на нејзиниот татко, Џеј.
Инаку, ќерките на покојниот Џеј Рамадановски, Марија и Ана, го поддржаа проектот на Александар Радуловиќ Фута за „Џеј трибјут бенд“.
