Петар Грашо на 19 март го прослави својот 49. роденден, а во меѓувреме успеа да оствари бројни соништа во животот. Покрај успешна тридецениска кариера и љубовта на обожавателите, тој се оствари и како родител на двете деца Алба и Тони кои ги доби од бракот со Хана Хуљиќ.
Приватниот живот се труди да го држи што подалеку од јавноста, што му успева. Тој вели дека „го чува безбедно бидејќи и онака има премалку за да го сподели со луѓе што не ги познава“.
Меѓутоа, неодамна беше откриено дека тој и Хана ја направиле церемонијата на крштевање на нивниот мал син кој се роди на крајот на октомври. Поточно, кумовите Доменика Жувела и Томаж Кавчиќ ги разоткрија во своите објави на социјалните мрежи. Церемонијата се одржала „тајно“, меѓу најблиските пријатели.
Иако не ги полни медиумите со скандали и детали од приватниот живот, неговата кариера е само во нагорна линија. Имено, тој на својот инстаграм-профил објави дека по четири концерти во загрепски Лисински ќе настапи и во соседна Словенија, поточно во салата Крижанке. Заедно со коментарите на возбудените обожаватели кои со нетрпение го очекуваат концертот, многумина ја искористија можноста и да му честитаат роденден.
