Принцот Хари планира да сподели детали за врската со кралското семејство во мемоари вредни 20 милиони долари, а целиот свет нетрпеливо го очекува тоа.
Мемоарите на принцот Хари треба да бидат објавени на крајот на 2022 година, а по оваа вест почнаа гласини дека мемоарите на Хари дополнително ќе ги влошат веќе разнишаните односи со кралското семејство предводено од кралицата Елизабета.
Сепак, според Омид Скуби, близок пријател на Меган Маркл, кралското семејство не треба да се плаши од тоа.
„Хари навистина се грижи да нема материјал во неговата книга што на кој било начин може да биде негативен за кралицата или нејзиното владеење. Во таа книга тој навистина сака да го прослави нејзиниот живот и врската со неа“, објаснува Скуби и додава дека иако многумина сакаат да прочитаат книга полна со обвинувањата за семејството, тоа нема да се случи.
„Се разбира, неговата приказна е многу повеќе од само неколку години од неговиот живот како војвода. Но, многумина ќе бидат лишени од бомбастични детали, но тоа не значи дека неговите мемоари нема да бидат интересни“, вели пријателот на Меган Маркл.
