Истрагата ќе покаже дали се работи за самоубиство.
Српскиот јутјубер Мирко Рашиќ (33) денеска е пронајден мртов во една хала во Сурчин, дознава српски Телеграф. Непосредно пред тоа објавил песна на социјалните мрежи.
Според „Телеграф“, телото го пронашол неговиот колега, а дали се работи за самоубиство ќе покаже истрагата.
Мирко рано утрово на својот Инстаграм профил, непосредно пред трагичниот настан, околу 5 часот објавил фотографија од цртаниот филм „Сите кучиња одат во рајот“ и ја цитирал истоимената песна на раперот Струка.
“Седам во соба со својата крв во рацете. Се трудам да не ги слушнам тие соблазни шепотења
Седам во сенка а димот ми лизга низ усните. Ѓаволот ме влече за ракав, до раб на лудило.
Слушам дека си виден всидрен во свето пристаниште. Тргнат си кон рајот но заврши во чистилиштето. Велат дека не си доволно добар за царството небесно, дека таму нема место дека со тебе би било претесно.
Од друга страна, велат, дека не припаѓаш во пеколот, не си грешел толку и не припаѓаш на тоа стадо. А таму ти е местото зашто испраќаше лоши пораки, од кои децата не можеа да извлечат добри поуки.
Зборуваше за пари и за курви, дека не должиш, наводно зборуваше за Сатаната. Не можам да верувам дека дојде крај, но било како било, сите кучиња одат во рај“.
