Актерот кој најмногу го паметиме по улогите во филмовите на Џејмс Бонд, 66-годишниот Пирс Броснан, овие денови го промени изгледот.
Пирс, по потекло од Ирска, веќе некое време го негува природниот изглед, но овие денови тоа особено доаѓа до израз – можеби поради одржувањето на социјалната дистанца со својот фризер.
Последните неколку години тој носеше брада и бркови со густа, кратко истрижана проседа коса, но гледаме дека тоа се променило.
Имено, за време на прошетката на Хаваи, каде поради пандемијата се оддалечи со семејството, фотографите го уловија за време на прошетка, а на нивните слики може да се забележи како неговата коса е доста долга и целосно седа.
Сепак мораме да признаеме дека овој Ирец и тоа како блеска со својот шарм. Пред неколку денови Пирс се пофали со семејната фотографија на која е со сопругата Кели, со која е во брак од 2001 година, како и нивните синови, Парис и Дилан и нивните девојки.
